Gipahibalo ni Aldwin Empaces, ang Assistant Provincial Administrator nga nibalik na sa 8-5 nga working hours ang mga empleyado sa Kapitolyo, ug ingun man ang regular na nga 5 working days sa usa ka semana.
Sa gikabutyag ni Empaces atol sa eksklusibong pakighinabi sa Bombo Radyo Cebu news team kaniya, ang kasamtangang gipatuman karon sa kagamhanan sa Probinsya sa Sugbo sa matag opisina niini mao ang Energy conservation measures.
Diin kini nagpasabot nga mag-save og energy sa pamaagi nga ang airconditioner sulod sa 8-5 working hours, adunay duha ka oras nga gitagana nga pagngon kini.
Samtang, gitambagan usab nga pagngon ang mga suga sa mga lawak nga wala gigamit o di ba kaha sa comfort room.
Kahinomdoman nga ang ebu Provincial Government nagsagop og four-day workweek sugod niadtong Marso 9, 2026, ubos sa Executive Order No. 16, nga gipirmahan ni Gobernador Pamela Baricuatro aron makadaginot sa enerhiya.
Diin ang programa nagkinahanglan sa mga empleyado sa kapitolyo nga magtrabaho og mas taas nga oras gikan Lunes hangtod Huwebes, 8 a.m. hangtod 7 p.m. aron makompleto ang 40-oras nga semana sa pagtrabaho.
