Patay ang duha ka tawo sa Plainfield, New Jersey human ang ilang sakyanan gianod sa baha tungod sa kusog nga pag-ulan sulod sa pipila ka adlaw.
Dali nga girespondihan sa mga emergency personnel ang insidente apan subo nga wala nay kinabuhi ang duha sa dihang ila kining naabtan.
Ingon man nga gideklarar ni New Jersey Gov. Phil Murphy nga state of emergency ang ilang lugar gumikan sa kalit nga pagbaha ug pagbunok sa uwan.
Gipasidan-an usab sa mga opisyal nga ang pagbaha mahimong makaapekto sa Washington, D.C. ug sa Carolinas hinungdan nga gipahimangnoan ang mga tawo nga magpabilin sulod sa ilang mga panimalay ug likayan ang wala kinahanglana nga pagbiyahe.
Nabalda usab ang mga operasyon sa Amtrak ug pipila ka pampublikong transportasyon sa naapektuhang nasud sa baha.
