2 patay sa pagkahagsa sa eroplano sa Brazil

Patay ang duha ka tawo human nahagsa ang eroplano nga ilang gisakyan sa Sao Paulo, Brazil.

Matod sa mga awtoridad, ang maong Beech P90 King Air nabangga sa usa ka bus sa Marqes de Sao Vicente Avenue.

Naangol ang usa ka babaye nga sakay sa bus ug daling gidala sa tambalanan.

Bisan ang usa ka siklista nga naigo sa mga debris gikan sa eroplano nakaangkon og samad ug daling gidala sa tambalanan.

Sa pagkakaron, ang mga otoridad kay nagpadayon sa pag-imbestigar sa hinungdan sa pagkahagsa sa eroplano.