20 patay sa pagkahagsa sa eroplano sa South Sudan

Patay ang 20 ka tawo human nahagsa ang eroplano nga ilang gisakyan sa South Sudan.

Ang gamay nga pampasaherong eroplano nahagsa sa Unity Oilfield airport diin kini paingon sa Juba, ang capital City sa South Sudan.

Nasayran nga kadaghanan sa mga pasahero kay oil workers sa Greater Pioneer Operating Company.

Lakip sa namatay mao ang duha ka Chinese national ug usa ka Indian.

Padayon pa ang imbistigasyon sa mga otoridad sa hinungdan sa pagkahagsa sa eroplano.