Gikwestiyon ni House Deputy Speaker ug Iloilo Rep. Janette Garin ang pipila ka alokasyon sa pondo sa Department of Health (DOH) alang sa sunod tuig.
Atol sa deliberasyon sa House Committee on Appropriations sa gisugyot nga budget sa DOH, pipila sa mga pagsaway ni Rep. Garin naglakip sa P1 bilyon nga alokasyon alang sa pagpaayo sa mga buhatan sa ahensya, ang P478 milyones nga research fund alang sa DOH, ug ang giplanohang $10 milyones nga donasyon sa World Health Organization (WHO) sulod sa upat ka tuig.
Ang magbabalaod niinsistir nga ang pundo alang sa pagpaayo sa mga buhatan sa DOH ug WHO grants kinahanglang gamiton ilabina alang sa pag-atiman sa mga pasyente ug mga subsidyo alang sa universal health care program (UHCP) o sa pagkuha og dugang mga doktor ug nars.
Giklaro usab niini nga wala niya gikuwestiyon ang desisyon sa kalihim sa pagdonar sa WHO, apan gitataw ni Garin nga mas nanginahanglan niini ang mga ospital sa nasud ug alang sa pagpatuman sa Universal Health Care Program.
Busa gihangyo niini sa pagsugot nga i-realign ang research fund alang sa pagpatuman sa zero balance billing.
