Nipasalig ang 26 ka mga nasud nga magdeploy og mga tropa sa Ukraine sa higayon nga maabot na ang usa ka ceasefire deal sa Russia.
Mao kini ang tubag sa mga nasud sa Uropa nga mitambong sa Coalition of the Willing summit sa France.
Matud ni French President Emmanuel Macron, magpadala dayon sila og pwersa aron dili na masubli sa Russia ang pag-atake niini nga nagsugod niadtong tuig 2022.
Nakigsulti usab siya sa Presidente sa US nga si Donald Trump, diin andam usab ang US nga magpadala og mga tropa.
Ingon man nga giawhag usab ni Trump ang European Union nga dili na sila mopalit og krudo gikan sa Russia.
Mahinumduman nga si Trump adunay personal nga panag-istoryahanay uban sa Presidente sa Russia nga si Vladimir Putin ug Presidente sa Ukraine nga si Volodymyr Zelensky aron ipasiugda ang pagtapos sa gubat tali sa duha ka mga nasud.
