CEBU CITY — Arun walay matintal nga maglabang-labang sa M.L. Quezon National Highway nga adunay center island sa Brgy. Pajo sa dakbayan sa Lapu-lapu, pabutangan og ali o barbwire ni Lapu-lapu City Junard “Ahong” Chan ang naasoy nga dalan.
Human kini naligsan-patay usa ka 27-anyos nga babaye nga giila sa ngalan nga Amandine Lapincao, taga Sitio Saac 1, Brgy. Buaya, sa kaparehong syudad.
Asoy pa sa mga nakakita nga shortcut kining si Lapingcao pinaagi sa sapag-labang sa center island, dayun ambak kay na-slide nilusot ug napisat ilawon sa niagi nga trailer truck.
Matud pa sa drayber sa truck nga si Ramil Alunod sa dihang nahinabi sa ni Mayor Chan nga niresponde sa lugar nga wala kini nakabantay nga adunay tawo ug nikalit lang og pi-ok ang iyang gi-drayban.
Paglingi niini sa luyo kay nakit-an nalang nga adunay kini nga naligsan.
Nipasalig si Mayor Chan sa igsoon sa biktima nga daling ni-adto sa lugar sa insidente nga ang syudad nga mobayad sa burial expenses sa namatay.
Matud pa sa igsoon sa biktima nga si Mary Ann Malubay wala kini nagtuo nga maligsan ang iyang igsoon kung diin iyang pa kining na-chat chat kaganinang buntag.
Awhag pa ni Mayor Chan nga likayan sa publiko ang labang-labang sa mga center island tungod dili kini luwas ug moresulta sa aksidente. (ekp)
