29 ka tawo patay sa pagkahagsa sa Russian military transport plane

Patay ang 29 ka tawo human nahagsa ang military transport plane sa Crimea.

Basi sa usa ka inisyal nga imbestigasyon sa Russian Defense Ministry possible nga ang eroplano nakasinati og usa ka technical malfunction.

Nahagsa kini sa usa ka bukiran nga lugar sa Crimea pipila lang ka minuto human sa pag-takeoff.

Ang mga namatay naglakip sa unom ka tripulante ug 23 ka pasahero.

Walay nakaluwas sa pagkahagsa sa eroplano nga AN-26, usa ka gaan nga tactical military transport.

Nasuta nga kining klase sa eroplano nagserbisyo sukad pa sa 1960s.