CEBU CITY-Patay ang 3 ka magsoon nga bag-o lang nakagawas sa prisohan sa usa ka buybust operation nga gipahigayon sa pulis sa Brgy. Guizo dakabayan sa Mandaue, Cebu.
Giila ang 3 nga sila si John Vincent Umpad,26 anyos, Gerome Umpad, 28 anyos ug Ruben Paradillo Umpad,25 anyos. Nakagawas ang 3 niadtong mi-aging Huwebes human nga gipaubos sa programa nga Enhanced Justice On Wheels kung diin nakagawas ang managsoon human sa 8 ka tuig nga pagkapriso sa kaso nga direct assault ug murder.
Emosyunal usab ang lola sa managsoon nga si Conchita Umpad tungod kay matud pa natulog lang ang iyang mga apo sulod sa ilang panimalay sa dihang kalit nga miabot ang mga pulis, misulod sa balay uhg gipusil ang 3. Giingon pa niya nga gikan pa sa simbahan kay misimba.
Dugang pa ni Conchita nga naingon sa baboy nga gilabay sa mga pulis ang iyang mga apo sa ilang sakyanan human nga gipusil.Matud sa mga nakakita nga milihok pa ang usa sa managsoon apan gitiwasan pa kini sa mga pulis.
Samtang, nagkanayon ang hepe sa Basak Police Station nga si PCI Michael Angelo Beltran nga human nga nakagawas ang managsoon, nakadawat sila og impormasyon nga matud pa tigpahuyot kini og drogas ug mugamit pa hinungdan nga ilang gipa-ubos sa Surviellance ug sa dihang naconfirm dali sila nga nagpahigayon og operasyon.
Dugang pa ni Beltran nga nabantayan sa usa sa magsoon nga pulis ang ilang katransaksyon ug mihana pa og hulbot og pusil hinungdan nga ila na kini nga gi-unhan.
Nakuha gikan sa operasyon ang 5 ka small sachet nga gitoohang shabu ug nakuhaan kini og 357/25 at 45 caliber pistol.
