3 ka-tawo patay tungod sa pagbuto sa bomba sa Russia

Patay ang tulo ka tawo human mibuto ang bomba sa usa ka kan-anan sa Moscow, Russia.

Basi sa imbestigasyon sa mga otoridad nahitabo ang pagbuto sa Kudrinskaya square kung asa adunay laing 21 pa ang naangol.

Matud sa National Anti-Terrorist Committee kon NAK nga usa ka babae ang adunay dala og bomba ug misulay sa pagsulod sa usa ka restaurant.

Human kini gipugngan, mibuto ang bomba ug uban nga namatay ang babaeng suspek.

Padayon pa usab nga gisuta sa mga otoridad ang motibo sa nasangpit nga suspek sa pagdala og bomba.