Cebu City-Patay ang 3 ka subjects sa gipahigayong buybust operation sa Talisay PNP sa Sitio Maghaway Proper, Brgy. Maghaway siyudad ng Talisay, Cebu.
Giila ang mga nangamatay nga sila Susano Labrador alyas “Sano”, Vincent Ceballos ug Warlito Tecson.
Atol matud pa sa buybust operation, nakabantay ang mga subject nga pulis ang ilang ka-transaksyon. Una matud pa nga nagpabuto ang mga suspek hinungdan nga misangpot sa shoot out.
Naigo ug dali nga namatay ang 3 ka subjects samtang naka-ikyas usab ang mga kaubanan niini lakip na ang usa sa mga main target sa operation nga si alyas “Ladoy”.
Nakuha gikan sa crime scene ang 4 kaarmas, mga drogas ug mga drug paraphernalia.
Samtang padayon karon ang hot pursuit operation batok sa mga naka-ikyas nga mga subjects.
