CEBU CITY-Mukabat sa 74 milyones ka pesos ang shabu nga nasakmit atol sa usa ka buybust operasyon nga gipahigayon sa Cebu Intelligence Branch sa Mandue City Police Office (MCPO) sa may North Reclamation Area dakbayan sa Mandaue diin gikamatay kini sa 3 ka mga subject.
Naila ang usa sa mga subject nga napatay nga si Prince Gem Mapalo samtang padayon pa nga giila ang duha.
Matud ni PCol. Jonathan Abella ang city director sa MCPO nga nalambigit sa big time drug group ang mga subject sa dakbayan sa Sugbo kung diin dugay na usab kini nila gisurveillance sulod na sa kapin usa ka buwan.
Sigon pa niini, nga maong sa Mandaue nakigtransaksyon ang mga subject tungod kay wala na kini salig sa Cebu City.
Atol matud pa sa pinalitay kung diin nagsakay sa usa ka mini van ang 3 ka mga subject,nakabantay kini nga pulis ang ilang katransaksyon hinungdan nga mibunot kini sa ilang mga armas ug nakigpinusilay sa mga pulis.
Dead on the spot ang duha ka mga subject samtang gidala ang usa sa tambalanan apan gideklarar usab kining dead on arrival.
Dugang pa ni Abella nga, una nilang nasakmit ang mga large pack sa shabu nga mutimbang sa 500 gramos ngadto na sa 1 kilo apan sa dihang gihiling ang sakyanan niini, dunay nakita nga mga sako ug karton.
Sa dihang gihiling ang maong mga sako og karton, nakita ang mga dagkong pack sa shabu kung diin sa kinatubuk-an mutimbang kini og 11 ka kilos.
Narekober usab sa kapulisan ang mga armas sa mga subject nga revolver, 45 caliber pistol, KG-9 ug derringer handguns.
