Cebu City- Gihimakak ni PNP Chief Ronald Dela Rosa nga adunay destabilization plot ang Philippine National Police o plano nga ipalagpot sa pwesto si Presidente Rodrigo Duterte.
Matud ni Dela Rosa nga adunay 84% nga approval rating gikan sa katawhan samtangt 110% gikan sa kapulisan ang Presidente hayan walay rason para palagputon kini sa pwesto.
Sigon pa nga nakita niya nga grabi ang suporta ni Duterte sa kapulisan ug gani gihulagway sa PNP Chief nga sa iyahang pagpanerbisyo isip pulis karun pa siya makasugat og Presidente nga grabi og suporrta sa kapulisan.
Subay niini, gihimug-atan ni Dela Rosa nga walay rason arun nga mag-rebelde sila batok ni Presidente Duterte ug kung duna man gane dili kini magmalampuson.
Matud pa niini nga posible nga ang katong mga na identify nga mga narco cops, ug mga napalagpot sa serbisyo nga mga pulis maoy nagplano sa maong lakang human maligsan sa mga programa sa Presidente.
