NIGERIA-Patay ang 35 ka mga bata samtang unom ang naangol human nahitabo ang stampede sa usa ka festival sa habagatang kasadpan sa Nigeria.
Gidakop sa mga awtoridad ang walo ka mga tawo nga nalambigit sa insidente nga nahitabo sa Islamic school sa Ibadan City.
Lakip sa nasikop mao ang sponsor sa maong kalihukan.
Basi sa imbestigasyon sa mga otoridad, nagpahigayon og programa ang Women in Need of Guidance and Support (WING) diin ilang gipaabot nga kapin sa 5,000 ka mga bata nga nag-edad og 13 anyos paubos ang mosalmot ug adunay kahigayunan nga sila makadaog og premyo sama sa scholarship.
Nagpahayag na sa iyang pahasubo ang Presidente sa Nigeria nga si Bola Tinubu ngadto sa mga pamilya sa mga biktima.//
Ug mipasalig nga mohimo og imbestigasyon sa nasangpit nga insidente.
