3,871 ka pamilya sa Central Visayas ang nakagradwar na sa Pantawid Pamilyang Pilipino Program (4Ps)

CEBU – Mokabat na sa 3,871 ka pamilya sa Central Visayas ang nakagradwar na sa Pantawid Pamilyang Pilipino Program (4Ps).

Si Randie de Gracia, Family Development Session (FDS) focal person sa Department of Social Welfare and Development (DSWD-7), niingon nga sa maong ihap, 1,078 ka pamilya ang nakagradwar human sila nahimong self-sufficient.

Matud pa ni De Gracia nga gitumong sa maong programa ang pagpausbaw sa kahimtang sa panginabuhi sa mga kabus nga pamilya, gikan sa level 1 o survival ug level 2 o subsistence ngadto sa level 3 o self-sufficient nga mga pamilya.