Posibleng maapektuhan sa Bagyong Tino ang 39 ka probinsya sa nasud, base sa pinakabag-ong datos nga gipagawas sa Department of the Interior and Local Government – Central Office Disaster Information Coordinating Center (DILG-CODIX).
Matod sa DILG-CODIX, ang mga lugar nga naapil sa listahan posibleng makasinati sa padayong pag-ulan ug kusog nga hangin samtang nagpadayon ang paglig-on sa bagyo.
Kung diin, gibutang sa Alert Level Charlie (Red), ang Aklan, Antique, Bohol, Capiz, Cebu, Dinagat Islands, Eastern Samar, Guimaras, Iloilo, Leyte, Negros Occidental, Negros Oriental, Palawan, Samar, Southern Leyte, ug Surigao del Norte.
Samtang, anaa na sa Alert Level Bravo (Orange), ang Agusan del Norte, Biliran, Masbate, Occidental Mindoro, Oriental Mindoro, Romblon, ug Surigao del Sur.
Anaa usab sa Alert Level Alpha (Yellow), ang Agusan del Sur, Albay, Batangas, Bukidnon, Camarines Sur, Camiguin, Cavite, Laguna, Marinduque, Misamis Occidental, Misamis Oriental, Northern Samar, Quezon, Siquijor, Sorsogon, ug Zamboanga del Norte.
Ang mga Cebuanos gipasidan-an nga mag-amping batok sa posibleng epekto sa bagyo, lakip na ang kusog nga ulan ug hangin nga mahimong moresulta sa pagbaha ug landslide sa pipila ka dapit sa lalawigan.
