DUMANJUG, CEBU-Giingong gilugos sa iyang kaugalingong uyoan nga baldado ang 4-anyos nga batang babaye sa Barangay Tangil, lungsod sa Dumanjug.
Matud pa ni Police Staff Sergeant Vilma Caballero, hepe sa Women and Child Protection Desk sa Dumanjug Police Station, nga nahitabo ang insidente niadtong Marso 8 diin ang 62-anyos nga suspek giingong mihikap sa private organ sa biktima ug mibuhat pa og laing sexual acts.
Dugang pa nga nadiskubrehn sa inahan niadtong Marso 10, Domingo sa dihang nag-ilis kini sa diaper sa iyang anak ug nireklamo kini nga sakit ang kinatawo sa bata.
Gani, misumbong ang bata sa iyang inahan kung gi-unsa kini pagmolestiya ingon man nga adunay pagpanghulga nga nahitabo gamit ang kutsilyo kung gani dili kini mosunod sa iyang uyoan.
Base sa imbistigasyon nga gibiyaan sa inahan ang bata sa iyang uyoan sa maadlaw gumikan pareho kining nangibuhian sa iyang bana.
Ingon man nga tungod nalapas na sa ‘reglamentary period’, dili na masikop sa kapulisan ang suspek ug kinahanglang moagi kini og regular nga pagpasaka sa kaso batok kaniya.
Gipaubos na sa medical examination ang biktima aron makumpirmar ang pagmolestiya, arun mapasakaan kini og kasong rape with sexual assault batok sa suspek.
