Usa ka Ceres bus ug duha ka dagkong truck nga adunayng kargang semento ug anopog ang nagkarambola sa aksidente sa dalan sa Barangay Yati, lungsod sa Liloan, amihanang parte sa Sugbo kaganinang udto Oktubre 17 2026.
Matud pa ni Patrolman Kevin Borbon, Nawad.an ug break ang kining asul nga truck nga nag baktas sa south boundlane nga miresulta sa iyang pagmaniobra sa iyang dakong sakyanan, apan una kining misangyad sa Ceres bus nga nagbiyahe sa outer lane.
Human niini, nabangga sa truck ang center barrier, hinungdan nga naigo usab ang lunhawng truck nga nagdagan sa pikas linya o northbound lane ug nagkarga og anapog. Nakatlat usab ang bumper sa maong truck sa parteng atubangan.
Matud pa ni Borbon, misaysay ang driver nga dayung dulhog sa iyang gimanihong truck gikan sa stop light, wala na miaapak ang brake niini ug muresulta sa karambola sa kadalanan.
Apan dugang pa niya nga mibalik ra dayun sa normal ang dagan sa trapiko human sa rescue operation ug wala nay pagbara sa maong lugar.
Matud pa niya, nagkasabot na usab ang mga drayber sa duha ka dagkong truck pinaagi sa inisyal nga settlement.
Dugang pa nga wala ra hinooy naangol sa maong insidente sa kadalanan.
Gipahimangnoan usab ni Borbon ang mga motorista nga kanunay susihon ang kahimtang sa ilang mga preno aron malikayan ang disgrasya sa kadalanan.
