Nasikop ang 4 ka mga batan-ong lalaki human nga nangulata sa usa ka 45-anyos nga Tricycle driver niadtong adlawng Dominggo, Oktubre 19, sa Lungsod sa San Fernando.
Giila ang biktima nga si Edagar Canas Olmogues 45-anyos ug residente sa Sityo Luknay, Brgy. South Poblacion, San Fernando, Cebu, samtang naila usab ang mga suspek nga sila si Jaye Laurence Contemprato Belgida, 19-anyos, og Rhod Mhyro Encarnation Barnayja, 18 -anyos nga parehong residente usab sa Sityo Mahayahay, Brgy. Tabionan, San Fernando, Cebu.
Samtang laing duha ka mga batan-on ang nalambigit nga nailang sila si alyas Charles og Darwin nga parehong menor de edad.
Matod ni PMaj. Michael Gingoyon ang hepe sa San Fernando Police Station, ang pagpangulata sa maong mga batan-on gumikan sa panagbangi sa yuta kon right of way, gumikan kay matud pa nga ang biktima adunay gipatukod nga barikada, hinungdan nga gikasuko kini sa mga suspitsado.
Dugang pa niini, paingon unta sa panimalay ang biktima gikan sa pamasahero apan sa dihang milabay kini tungod sa mga suspitsado, kalit lang nga gibato sa mga batan-on hinungdan nga nakahiagum kini og grabeng bun-og sa ulohang bahin niini ug gitabangan ug kulata sa mga batan-on.
Dali usab nga nagpakitabang si Olmogues, sa mga sakop sa kapulisan ug gisikop ang mga nalambigit nga suspitsado.
Pasakaan ug kasong Physical Injury ang mga nalambigit nga mga suspitsado samtang anaa nausab sa kostudiya sa San Fernando Police tation ang duha ka mga menor de edad nga nalambigit.
