CEBU CITY-Labing minus 40 ka mga modern public utility jeepney (MPUJ) ang gitugutan nga mubyahe sa Land Transportation Franchising and Regulatory Board Region -7 (LTFRB-7) aron makadugang sa rota paingon sa IT Park, gikan sa nagkadaiyang parte sa Sugbo.
Kini nunot sa pagsuspenso sa BEEP Cebu sa operasyon sa 58 ka MPUV units niini sukad sa milabay nga Oktubre 1 hangtud na sa musunod nga unom ka bulan gumikan sa pipila ka rason.
Gibutyag sa LTFRB-7 Regional Director Eduardo Montealto Jr. nga mikatkat ngadto sa 80,000 ang populasyon sa mga nanarbaho sa Cebu IT Park, rason sa nagkataas nga deman sa pampublikong sakyanan.
Bisan pa, gipasalig sa opisyal nga walay disruption ang nahitabo ug matod pa nga andam sila nga magdugang og duhang MPUJ units sa mga rota nga nagkinahanglan og dugang sakyanan, usa na niini ang rota sa Cebu City Hall ug Banawa paingon sa Cebu IT Park.
