PROVINCE OF CEBU-Gipanguluhan ni Senador Bong Go ug Gobernador Gwen Garcia ang pagpanghatag sa Assistance to Individuals in Crisis Situation (AICS) program sa Department of Social Welfare and Development (DSWD) sa Carcar City ug Naga City kagahong adlwa Mirkules Hulyo 12,2023.
Migahin ang DSWD ug kapin sa P5.8 milyones isip hinabang pinansyal alang sa halos 4,000 ka AICS beneficiaries nga nakadawat ug P3,000 matag usa sa dakbayan sa Carcar ug dakbayan sa Naga. Ang mga benepisyaryo naglakip sa solo parents, mangingisda, tricycle driver nga nakaagi sa mga krisis sama sa kamatayon sa pamilya ug natural nga kalamidad.
Nihatag usab si Sen. Go og food packs, bitamina, T-shirts, ug payong sa tanang benepisyaryo; ingon man mga assistive device sa pinili nga mga indibidwal.
Atol sa iyang pakigpulong, gipasalamatan ni Sen Go ang mga Sugbuanon sa pagtabang kaniya sa niaging piniliay. Gipahinumdoman usab niya ang mga benepisyaryo sa paggasto sa hinabang pinansyal nga ilang nadawat pinaagi sa pagpalit lamang sa mga gikinahanglan sa pamilya ug dili sa ilimnung makahubog ug sugal.
Niapil sa distribution sila si Congresswoman Rhea Gullas, Carcar City Mayor Patrick Barcenas, Board Member Stanley Caminero, San Fernando Mayor Mytha Canoy, Moalboal Vice Mayor Paz Rozgoni, ug aktor Philip Salvador.
Anaa usab sila si DSWD 7 director Shalaine Lucero, ARD Johnny Cantero, ug Malasakit Center chief Girlie Veloso.
