42 ka makeshift classrooms ang ibutang sa siyam sa 27 ka barangay sa dakbayan sa Mandaue

MANDAUE CITY, CEBU- Dili mominos 42 ka makeshift classrooms ang ibutang sa siyam sa 27 ka barangay sa dakbayan isip dugang cluster precincts alang sa umaabot nga SK election, ug Barangay elections karong Oktubre, matod ni Atty. Annafleur Gujilde.

Matod ni Gujilde nga gikinahanglan ang dugang classrooms o clustered precincts tungod kay nidaghan ang mga botante.

Ang siyam ka mga barangay nga walay igong lawak nga ka botaran nga makatagana sa ilang gidaghanon sa mga botante mao ang Bakilid, Banilad, Cubacub, Guizo, Ibabao-Estancia, Maguikay, Pagsabungan, ug Tabok.

Dugang pa, nga ang kagamhanan sa dakbayan mipasalig na sa pagtukod og 42 ka makeshift classrooms.