Gisaulog ni kanhi Senador ug boxing legend Manny Pacquiao ang iyang ika-47 nga adlawng natawhan sa usa ka hotel sa General Santos City, gahapong adlawa Disyembre 17, 2025.
Sa balita sa Bombo Radyo Gensan, gidugok ang selebrasyon og mga bisita gikan sa nagkalain-lain nga nasud, lakip na ang mga kongresista, alkalde, ug uban pa nga opisyal nga naghatag pasidungog kaniya.
Anaa usab ang iyang asawa nga si Jinkee Pacquiao kinsa mi-paambit og mga litrato ug mensahe sa social media isip tribute sa iyang bana.
Ang highlight sa gabii mao ang espesyal nga pasundayag ni Mommy Dionesia Pacquiao nga nakapalipay sa mga bisita.
Isip pasalamat, si Pacquiao nipahigayon og raffle nga ganting salapi nga niabot og kapin sa P1 milyon alang sa mga nanambong.
Sa iyang mensahe, iyang gipasalig nga sa edad nga 47 anyos magpabilin siyang lig-on ug aktibo sa sports ug adbokasiya.
Dugang pa niya, nanghinaot siya nga maayo ug padayon nga molambo ang nasud.
