CEBU- Gitay-og sa 5.1 magnitude nga linog ang tibuok lalawigan sa Sugbo karong Lunes sa hapon, Abril 6, 2026.
Sa datos nga nakuha sa DOST-Phivolcs, ang epicenter sa linog didto sa dakbayan sa Bogo sa amihanang sa Sugbo diin 10 kilometros lang ang gilawmon niini.
Samtang, natala ang Intensity IV sa San Francisco, Camotes Island ug sa Villaba, Leyte.
Nabati ang Intensity III sa Liloan, Talisay City, Cebu City, Lapu-lapu City, Isabel, Baybay, Carigara, Ormoc City, Abuyog sa Leyte ug Esperanza, Masbate ug Hinundayan sa Southern Leyte.
Samtang, kadaghanan sa Kabisay-an natala ang Intensity II ug I.
Nabati sa mga netizen sa amihanang Cebu ang mga pagtay-og sa daghang mga video, nga nakadaot sa daghang mga establisemento ug nakahatag og kalisang sa mga tawo.
Gisuspinde usab sa pipila ka mga eskwelahan ug kompanya ang mga klase ug trabaho tungod sa mga pagtay-og.
Sa usa ka eksklusibong interbyu sa Bombo Radyo Cebu News Team, kang Cebu City Councilor Dave Tumulak, ang Chairman sa Cebu City Disaster Risk Reduction and Management Council (CCDRRMC), bisan pa man og nabati ang linog sa daghang bahin sa Cebu City, walay gitaho nga dakong kadaot sa siyudad.
Bisan pa, ang mga personahe sa CCDRRMC ug BFP-Cebu, i-deploy sa mga pampublikong lugar ilabi na sa mga ospital alang sa dali nga pagresponde.
Ang mga lokal nga gobyerno karon hugot nga nagmonitor sa ilang Earthquake Intensity Meters ug nagpahinumdoman sa publiko nga mag-alerto kung adunay mga aftershock nga ma-record sa musunod nga mga oras.
