Halos 50 ka mga panimalay ang naapektohan sa sunog nga miigo sa Purok Tamatis, Barangay Paknaan , Mandaue City niadtong Domiggo, pasado alas 2 sa kadlawn sa adlawng domingo
Nadawat ang mao nga alarma sa kabumberohan pasado alas 2 sa kadlawn, dali kini mikatap tungod sa kakusog sa hangin ug sa mga light materials.
Milanat og halos 30 mins ang pakigkumbati sa mga kabumberohan hangtod nga nakontrolar ang sunog pasado alas 2:30 sa kadlawn samtang gideklarar kini nga fire out pasado alas 4:10 sa buntag.
Sa pakighinabi ni FO1 Jay Lumabs, ang fire investigator sa BFP-Mandaue, padayon pang gisusi sa atong kabumberohan ang hinungdan sa mao nga sunog samtang dul-an sa 750,000 pesos ang gibana-banang danyos sa mao nga sunog.
Mipahimangno si Lumabs sa publiko nga bantayan ang mga panimalay labi na panahon sa ting init nga prone sa mga sunog aron makalikay sa sunog.
