CEBU – Mokabat sa 5,000 ka mga tawo ang nakabisita na sa mga sementeryo sa dakbayan sa Sugbo sukad alas 5 sa buntag niadtong Martes, Nobyembre 1, 2022, matod sa kapulisan.
Matud pa ni Police Colonel Ireneo Dalogdog, director sa Cebu City Police Office, nga kasagaran sa mga bisita natala sa Calamba Cemetery, diin dul-an sa 2,000 na ang mga tawo sugod karung Martes sa udto.
Nagtuo si Dalogdog nga mas daghang mga tawo ang mobisita sa mga sementeryo karung Martes sa hapon samtang gisaulog sa nasud ang Adlaw sa mga Santos ug Adlaw sa mga Kalag sa Miyerkules, Nobyembre 2.
Nasakmit sa kapolisan ang ubay-ubay nga mga sundang ug uban pang mga blades nga armas, apan giklaro ni Dalogdog nga gidala kini sa mga tawo aron gamiton sa pagpanglimpyo sa lubong sa ilang mga kabanay ug mga minahal.
Gihimug-atan sa opisyal nga gipadayon ang kalinaw ug kahapsay ug hangtod karon wala’y mga insidente sa krimen nga gitaho.
