Cebu City-Padayon nga gipangita sa search and retrieval operation sa Municipal Disaster sa Dalaguete ang lawas sa usa ka byuda nga giingong gilabay sa kadagatan niadtong Disyembre 3.
Kini human nga missurender sa Dalaguete Police Station ang suspek nga si Junrey Gesalan, 28 anyos ug residente sa Brgy Banhigan sa maong lungsod human niini ginagkon ang pagpatay sa iyahang silimngan nga si Jocelyn Amarila, 52 anyos.
Matud ni PO2 Brycel Ricaborda nga basi sa ilang pagsukit sukit sa suspek, nga duna silay personal nga panagbangi sa biktima hinungdan nga niadtong Disyembre 3, gibunalan niini ang biktima ug giguyod ang lawas hangtud nga maabot sila sa baybayon.
Gihiktan matud pa niini ang lawas sa biktima og bato una niini gilabay sa dagat.
Padayon pa ang imbestigasyon sa kapulisan sa lawom nga motibo sa krimen ingon man kung duna pay kauban ang suspek sa paghimo sa krimen.
