Moabot sa 539 ka mga paryente o klaiwat sa mga biktima sa giingong extrajudicial killings (EJK) ang nag-aplay isip “participating victims” sa kaso batok kang kanhi Presidente Rodrigo Duterte sa International Criminal Court (ICC).
Ang tumong mao ang pagpahayag sa ilang panan-aw sa proseso sa husay.
Sumala ni ICC Assistant to Counsel Atty. Maria Kristina Conti, dili na kinahanglan nga motestigo sila sa korte tungod kay lahi sila sa mga saksi nga gipili sa Prosecution and Defense.
Ang kaso naglangkob lamang sa mga insidente gikan sa Nobyembre 2011 hangtod Marso 2019.
Dugang ni Conti nga ang ICC mahimong mohatag og konsiderasyon kang Duterte, lakip ang pag-apil sa hearing pinaagi sa video call.
Ang husay lagmit magsugod karong tuiga.
Una na nga gipahayag sa ICC ang iyang hurisdiksyon ug gikumpirma ang mga akusasyon batok kang Duterte alang sa mga krimen batok sa katawhan, lakip ang murder ug attempted murder, nga giingong kabahin sa usa ka kaylap ug sistematikong pag-atake batok sa mga sibilyan.
