Gibutyag sa kanhi Gobernador sa Ilocos Sur nga si Chavit Singson ang giingong “ghost projects” sa 5,500 ka mga flood control projects nga kaniadto gitaho nga nahuman sa administrasyon.
Sumala ni Singson, daw human siya milibot sa nagkalain-laing bahin sa nasud ug nakig-uban sa mga lokal nga opisyal, wala diay niini nga mga proyekto ang aktuwal nga napatuman.
Mahinumduman nga gihisgutan ni Presidente Ferdinand Marcos Jr. sa iyang 2024 State of the Nation Address ang liboan ka mga proyekto sa flood control project isip kabahin sa pagpangandam alang sa mas kusog nga ulan nga gipahinabo sa La Niña.
Giinsistir usab ni Singson nga andam na siya nga mopasaka og affidavit ug ebidensya sa imbestigasyon sa Senate Blue Ribbon Committee, apan wala mapahigayon ang gikatakdang hearing.
Giingon usab niya nga nakigkontak siya kang Sen. Panfilo “Ping” Lacson apan wala niya mapresentar ang iyang pamahayag sa Senado, nga nagdala kaniya sa pagkuwestiyon sa kakulang sa oportunidad sa pagpresentar sa giingong kamatuoran.
