CEBU CITY — Hangyo karon sa political analyst gikan sa University of the Philippines (UP) Diliman nga mas maayong mub-onb na lang ang taho ni Presidente Rodrigo Duterte atol sa ika-5 nga State of the Nation Adress karong Lunes, Hulyo 27.
Nagkanayon si Dr. Clarita Carlos, atol sa interview sa Bombo Radyo Cebu, nga kapoy paminawon kung tag-ason pa sa presidente ang SONA aron ipadayag kung unsa man ang mahimo niini sulod sa duha ka tuig.
Matud ni Carlos nga kinahanglang mohatag og komprehensibong report sa publiko si Duterte, ilabi na ang mga lakang sa administrasyon niini ubos sa gitawag nga “new normal.”
Nasayran nga gikatakdang ibutyag sa presidente ang COVID-19 Recovery Plan sa nasud aron makangon pagbalik ang nahagba nga ekonomiya human sa pandemya.
Gihimug-atan karon ni Carlos nga angayang ipatigbabaw ang “individual responsibility” sa katawhan aning panahon sa pandemya aron makabangon dayon human sa COVID-19 crisis. /gn
