Unom ka mga dagkong Philippine business groups ang mihatag sa ilang hinggpit nga suporta sa pag-amendar sa mga bank secrecy law sa nasud nga mao ang RA 1405, ang Law on Secrecy of Bank Deposits ug RA 6426, ang Foreign Currency Deposit Act.
Ang proposed amendments kay lakip sa 44 nga mga priority bilss nga gisugyot sa Legislative-Executive Development Advisory Council (LEDAC) sa 20th Congress nga naglakip kini sa paghatag sa Bangko Sentral ng Pilipinas (BSP) og awtoridad nga muimbestigar sa mga deposit accounts sa mga indibidwal nga gisuspetsahang nalambigita sa illegal nga kalihokan.
Ang joint statement kay giisyu sa Makati Business Club, Filipina CEO Circle, Financial Executives Institute of the Philippines, Institute of Corporate Directors, Justice Reform Initiative, ug ang Management Association of the Philippines.
Namahayag kii nga ang maong lakang kay makapatino sa mga tigpatuman sa balaod nga mususi sa mga criminal nga kalihokan sama sa kurapsyon ug money laundering.
Gisuportahan sab sa grupo ang sugyot nga isapubliko ang Statements of Assets, Liabilities and Net Worth (SALNs) sa mga opisyal sa gobyerno nga orihinal nga gikinahanglan sa RA No. 6713 o ang Code of Conduct and Ethical Standards for Public Officials and Employees.
