6 patay, 30 ang nakaangkon og samad sa sunod-sunod nga linog sa Peru

Labing menos unom ka tawo ang namatay ug kapin sa 30 ang nasamdan human sa duha ka linog nga miigo sa kabukiran bahin sa Peru niadtong Hulyo 19.

Sumala sa National Seismological Center sa Peru, usa ka linog nga may magnitude 5.1 ug magnitude 3.7 ang natala sa probinsya sa Chupaca sa rehiyon sa Junín, anaa sa 300 kilometros sa sidlakan sa kaulohan nga Lima, Peru.

Basi sa inisyal nga mga taho, gibana-banang anaa sa 48 ka mga balay ang hingpit nga naguba samtang 18 pa ang nadaot, nga nakaapekto sa gibanabana nga 300 ka residente.