LILO-AN, CEBU-Nakaplagang wala nay kinabuhi ang usa ka 61-anyos nga mangingisda kinsa nawala atung gabie sa September 1, atul sa pagpangisda niini sa Barangay Catarman, Lungsod sa Liloan, nakita ang iyahang patayng lawas gahapon sa buntag september 2,2023.
Basi sa imbistigasyon sa Liloan Police Station ubos sa pagdumala ni Police Major Eric Gingoyun, ilahang gituohan nga ang kamatayon sa Biktima, gumikan sa pagkalumos niini.
Nasayran nga ang naasoy nga mangingisda, nangisda uban ang iyahang higala nga giilang si Marlon Labaju, sa kadagatan sa Sityo Mahogany sa maong Lungsod.
Apan, tulo ka oras ang nilabay wala na makita ni Labaju ang iyahang higala nga giilang si Nelson Cuyos, 61-anyos, menyo, taga Sityo Dapdap Barangay Catarman.
Hinungdan, nga nangayu kini ug tabang sa Bantay Dagat Divers arun pangitaon si Cuyos, ug diha -diha dayun nipahigayun sila ug ‘search and rescue operation’, apan bisan paman sa ilahang paningkamot wala nila makita si Cuyos.
Dugang pa, nga pagka-ugma sa buntag pa nila makita si Cuyos ug wala na kini kinabuhi, sa pagkakarun naghuwat pa ang kapulisan sa resulta sa gipahigayun nga ‘autopsy examination’ arun masuta ang hinungdan sa iyahang kamatayun.
