Walay makita nga record ang Philippine Statistics Authority (PSA) kabahin sa pagkatawo, kaminyoon, o kamatayon alang sa 63% sa mga ngalan nga gisusi gikan sa confidential funds receipts ni Bise Presidente Sara Duterte.
Sumala ni lead prosecutor ug Batangas Representative Gerville “Jinky Bitrics” Luistro, 1,685 sa 2,669 ka mga pangalan ang walay rekord sa PSA database.
Kini naglakip sa 1,287 ka mga ngalan gikan sa Office of the Vice President (OVP) ug 398 gikan sa Department of Education (DepEd).
Diin, usa sa mga gisusi mao ang ngalan ni “Mary Grace Piattos,” nga kaniadto mao ang sentro sa imbestigasyon, ug gikumpirma sa PSA nga wala kiniy rekord sa pagkatawo, kaminyoon, o kamatayon.
Samtang sila si Arthur Baon, Mathew N. Keso, ug Charles Sampaloc Jr, pareho sa usab nga walay rekord nga nakita.
Bisan pa, giklaro sa PSA nga ang pagkawala sa rekord sa ilang database wala magpasabot nga peke ang usa ka ngalan.
Sumala sa PSA, ang ilang mga nahibal-an gibase lamang sa mga rekord sa civil registry ug dili nila matino kung ang tawo sa database ba gyud ang mipirma sa mga resibo.
Samtang, nauyonan atol sa husay nga ang kanhi DepEd special disbursing officer nga si Edward Fajarda nag-encash og tulo ka tseke nga tag-37.5 milyon ka pesos matag usa, o kinatibuk-ang 112.5 milyon ka pesos, niadtong 2023.
