Naaprobahan na sa Senate Committee on Finance ang gisugyot nga badyet nga mokabat sa P785.204 milyon alang sa Office of the Vice President (OVP) alang sa tuig 2027.
Mas ubos kini og 11.7 porsyento kumpara sa P889.236 milyon nga badyet sa maong buhatan alang sa 2026.
Ang gisugyot nga pondo gitagana aron masuportahan ang padayong paghatag sa OVP og tabang ug nagkalain-laing serbisyo ngadto sa mga benepisyaryo sa nagkalain-laing bahin sa nasud.
Sa kinatibuk-ang badyet, P220.232 milyon ang gigahin alang sa Personnel Services, samtang P561.651 milyon ang alang sa Maintenance and Other Operating Expenses.
Aduna usab kini P3.321 milyon alang sa Capital Outlay ug P15.544 milyon alang sa Retirement and Life Insurance Premiums sa mga empleyado sa maong buhatan.
Samtang, wala mitambong si Bise Presidente Sara Duterte sa pagdungog sa badyet nga gipahigayon niadtong Martes, Oktubre 20, 2026.
Girepresentahan siya ni OVP Chief of Staff Atty. Zuleika Lopez, kinsa mipasabot nga mitambong ang Bise Presidente sa seremonya sa inurnment sa dugay nang city planner sa Davao City.
