Nakab-ot sa Estados Unidos ang usa ka kasabutan tali sa Venezuela aron makontrol ang kapin sa 65-bilyones bariles nga napamatud-ang oil reserves sa nasod.
Sumala ni US President Donald Trump, ang maong makasaysayanong transaksyon, makadoble sa oil reserves sa Amerika, makadugang sa ilang suplay sa lana, ug makatabang sa dakong pag-ubos sa presyo sa gasolina alang sa mga Amerikano.
Gidayeg usab ni Venezuelan interim President Delcy Rodriguez ang kasabutan, nga matud pa niya, makatabang sa pagbangon pag-usab sa ekonomiya sa ilang nasod.
Gisaad ni Trump nga gamiton sa Estados Unidos ang oil reserves sa Venezuela, nga mao ang pinakadako sa kalibotan, human nga nadakpan sa Amerika si kanhi President Nicolás Maduro sa sayong bahin ning tuiga.
Sa pagkakaron, na-pressure usab si Trump nga mapugngan ang pagsaka sa presyo sa gasolina sa Amerika, ilabina human misaka kini tungod sa gubot tali sa Iran ug sa ubang nasod.
Gitawag ni US Secretary of State Marco Rubio ang kasabutan nga dakong kada-ugan alang sa katawhan sa Amerika ug Venezuela tungod kay magdala matud pa kini og hapit 100-bilyones dolyares nga pribadong pamuhunan sa Venezuela, makamugna og liboan ka mga trabaho nga taas og sweldo, ug makatabang sa pagtukod pag-usab sa ekonomiya sa nasod.
