MANDAUE CITY-Nagpahigayon og medical check-up ang tanan nga Persons Under Police costudy (PUPC) sa Station 1 sa Mandaue police office.
Nunot sa pagkamatay sa usa ka piniriso nga 34-anyos nga lalaki, taga Brgy. Tuyan, Naga City human nakasinat og simtomas sama sa hilanat, paglisod sa pag-ginahawa, ug adunay rashes sa panit.
Ingon man nga padayun nga gisusi sa kapulisan ang hinungdan iyahang kamatayon.
Gibutyag ni PLTCOL Franco Rudolf Oriol, maoy Deputy for operation sa Mandaue City Police Office, nga adunay 65 ka mga PUPC’s ang Station 1 ubos sa Cebu City Police Office, 61 ang mga lalaki samtang 4 ang mga babayi nga gipa-ubos sa medical check-up.
Gawas pa niini ilaha usab nga gipa-ligo ang tanan nga PUPC’s ug ang tanan nga ilahang sinina nga gipang-sul-ob gipanghukas, ug gipalimpyohan sa City Disaster and Risk Reduction Management (CDRRMO) ang mga custodial facilities lakip na ang pagsanitize ug pag-disinfect aron malikayan nga mokatag ang sakit nga ilahang napamati ngadto sa lain nga PUPC’s.
Dugang pa ni Oriol, nga ang pagpakita sa Mandaue City Police Office (MCPO) nga taas ang ilahang respeto sa tawhanon nga katungod human maghisgut og human rights, gumikan nga ang mga PUPC’s nga anaa sa naasoy nga estasyon nakasinati og mga hilanat, ubo, ug naglain ang lawas.
Gumikan sa maong panghitaboa, gi-cater dayun sa MCPO hinungdan nga nakig-alayon sa mga nurses ug doctors sa City Health Office inabagan sa pag-aprobar sa Mayor sa nahisgutan nga dakbayan.
Gitataw sa maong Deputy nga tinuod nga nagkahuot ang mga PUPC’s gumikan nga gamay kaayo ang maong pasilidad.
