CEBU – Patay nang nakaplagan ang usa ka 67-anyos nga byuda sa usa ka pangpang sa Barangay Greenhills bukirang barangay sa lungsod sa San Fernando habagatang bahinsa Sugbo.
Gituohang gitulis una ang biktima una kini gipatay sa wala mailhing kriminal pinaagi sa paggol-gol sa liog.
Giila ang biktim nga Diomedesa Lapera Gedaro, 67 anyos nga residente ra usab sa naasoyng lugar.
Base sa impormasyon sa San Fernando Police Station, gituohan nga gihagbong ang patayng lawas sa biktima sa pangpang sa maong dapit.
Sa pagsusi sa kapulisan, nakit-an nga aduna kini linaslasan sa liog ug wala na ang sling bag nga adunay wala mahibal-ing kantidad sa salapi.
Padayon pa ang imbestigasyon sa maong kaso masayran kung si kinsa ang mitulis ug mipatay sa maong biktima.
