Nagka-uyon sa usag-usa ang Presidente sa China nga si Xi Jinping ug Presidente sa Russia nga si Vladimir Putin, sa usa ka tumong sa pagpa lig-on sa ilahang panag-uban.
Sa pagbisita ni Xi sa Moscow, gipirmahan nila ang usa ka kasabutan alang sa mas lawom nga kooperasyon.
Apan sa wala pa ang pagpirma, ang duha ka mga lider adunay miting nga milungtad og hapit upat ka oras.
Ang giingon nga panag-istoryahanay tali sa duha, nagsunod sa kawalay kasiguruhan nga naglibot sa pahayag ni US President Trump sa diplomasya nga “America First”.
Subay niana, si Putin miingon nga ang pakigtambayayong sa langyaw nga palisiya tali sa China ug Russia mao ang yawe sa kalinaw sa kalibutan.
Gipasiugda usab ni Xi nga ang maong panagtambayayong tali sa duha ka nasod nga maghatag og kaayohan sa tanan.
Dugang niana, si Xi anaa sa Russia alang sa iyang upat ka adlaw nga state visit diin motambong usab siya sa Victory Day military parade sa Russia. (Bombo Irene Ardiente)
