Milangkat ang mga weightlifter sa nasud og 36 ka medalya sa bag-o lang natapos nga 2026 East/Southeast Asia Subregional Championships nga gipahigayon sa Hainan China.
Nakadaog usab sila og tulo ka special awards ug duha ka national records.
Sumala sa Powerlifting Association of the Philippines (PAP), adunay 22 ka gold, 10 ka silver ug upat ka bronze medals.
Ang mga nakadaog og medalya naglakip nila ni Adrian Perillo, James de Luna, Juan Teodoro Zabala, Jose Virgil Perez, Ryant Relos, Emilion Florendo, Audrick Khong Hun, John Sorima, Rayven Villasotes, Anya Pinzon, Jomara Chan, ug Clara Buenconsejo.
Samtang, sila si Relos, Chan ug Pinzon nakamugna og bag-ong national ug individual lift records samtang ang Philippine team nakakuha og Best Team honors sa Men’s Open ug Men’s Masters I divisions.
Ingon man sila si Best Lifter Perez ug Zabala, kinsa nakigtigi sa unang higayon sa usa ka international tournament, ikatulo sa Best Lifter rankings.
