-- ADVERTISEMENT --
CEBU CITY-Nasakmit sa mga kapulisan sa Waterfront Police Station 3 ang kapin 7.1-milyones pesos sa gituohang shabu nga nagtimbag sa 1,050 gramos atol sa gipahigayong buy-bust operation sa awtoridad.
Giila ang suspek nga si alyas “Farah”, 48-anyos nga babaye ug lumulupyo sa Barangay Punta Princesa ning dakbayan sa Sugbo.
Nahitabo ang maong buy-bust operation pasado alas 3:50 sa buntag niadtong Biyernes Hulyo 5,2025 sa Sitio Lumboy, Barangay San Roque ning dakbayan sa Sugbo.
Mag-atubang sa kasong possession of illegal drugs ubos sa RA 9165 o Comprehensive Dangerous Drugs Act of 2002 ug ang nasakmit nga Drogas kay gipa-ubos sa Cebu City Forensics Unit aron sa pag-eksamin.
