Usa ka 7-anyos nga batang lalaki sa Estados Unidos ang wala magtagad sa kainit ug kabug-at sa baga nga mga sinina human niya gisul-ob ang 50 ka mga sweater sa usa ka higayon aron makalangkat og bag-ong Guinness World Record.
Niadtong Hunyo 1, malampuson nga nakatakda og rekord si Skyler Rozell-Whitaker alang sa kadaghanan sa mga jumper o sweater nga gisul-ob sa Pennsylvania sa dihang nalabwan niya ang miaging rekord nga 46 ka mga sweater.
Gitabangan si Skyler sa iyang inahan samtang ang iyang pamilya, mga higala ug mga classmate sa usa ka pampublikong library sa Monroeville diin nagtan-aw ug nagsuporta kaniya.
Sa wala pa ang opisyal nga pagsulay, nagpahigayon sila og praktis aron masiguro nga luwas ug komportable si Skyler. Kadaghanan sa mga sweater gipalit gikan sa mga tindahan nga segunda-mano, samtang ang uban bag-o lang gipalit.
