Kwalipikadong mahimong syudad ang pito (7) ka mga lungsod sa Sugbo ubos sa Republic Act No. 11683 nga maoy naglatid sa gikinahanglang rekisitos para sa cityhood charter sa usa ka lugar.
Sumala sa maong balaodnon, ang conversion sa usa ka munisipalidad ngadto sa usa ka component city kay nagkinahanglan lang og P100-milyones nga average annual income ng sertipikado sa Department of Finance (DOF) ug adunay contiguous territory sa dili muminos 100 square kilometers o ihap sa populasyon sa dili muminos 150,000.
Ang maong mga lungsod nga kwalipikado base sa ilang pinakaulahing datos kay ang mga lungsod sa Consolacion, Liloan, Minglanilla, Balamban, Oslob, Argao, ug Moalboal.
Gani ang tulo (3) ka lungos sa Liloan, Consolacion, ug Balamban kay gisang-atan na og resolusyon sa House of Representatives sa nakalabayng 19th Congress sa ilang mga tagsa-tagsa sa kongresista apan wala kini kalusot tungod sa pipila ka mga hinungdan.
Usa niini mao ang pagdumili sa League of Cities of the Philippines (LCP) sa pagdugang og syudad sa nasud tungod kay makaminos kini sa maapod nga National Tax Allotment (NTA) nga mao nay termino sa karaang Internal Revenue Allotment (IRA).
Apan pabiling malaomon ang pipila ka mga opisyales sa Sugbo nga mapatuman ang kini sa tinguha nga mapalambo pa ang lalawigan.
Sa pagkakaron, ang Sugbo adunay 3 ka mga Highly Urbanized Cities nga mao ang Lapu-Lapu, Mandaue, ug Cebu City samtang 6 ka mga component cities nga mao ang Talisay, Toledo, Danao, Bogo, Carcar, ug City of Naga.
