Nagpasidaan sa publiko ang Department of Information and Communications Technology (DICT) nga ang scams kay mas kaylap karong panahon sa kapaskuhan, diin ang ahensya, uban sa ubang mga grupo, naglunsad sa Oplan Paskong Sigurado.
Ang bag-ong kampanya mao ang inisyatibo sa ahensya sa cybersecurity ug consumer-protection, ilabi na karong panahon sa Pasko.
Sumala sa DICT nga adunay daghang mga scam karong panahona tungod sa pagsaka sa paggamit sa e-commerce, e-wallets, ug ang pagsaka sa mga remittance, ingon man mga cash bonus para sa daghang mga Pilipino.
Matud pa ni DICT Secretary Henry Aguda nga gusto nila nga dugang nga mapataas ang kaamgohan batok sa mga cybercrime pinaagi sa usa ka gipakusog nga kampanya sa public information ug koordinasyon sa lainlaing mga ahensya sa pagpatuman sa balaod.
Miingon siya nga adunay 12 ka mga holiday scam ang uso karon, sama sa love scam, charity scam, ug uban pa diin 60-70% sa panahon sa tibuok tuig kay sagad mahitabo ang scams online karong panahona.
Giawhag usab ni Aguda ang publiko nga mo-report dayon sa Hotline 1326 kung sila nabiktima sa mga scam o adunay nahibal-an bahin niini.
Kabahin sa inisyatibo mao ang real-time detection ug pagpaminus sa mga hulga sa cyber ug ang pagpaaktibo sa estratehiya sa cyberdome o ang whole-of-government cyber defense platform.
