Mokabat sa 78 Million ang kinatibuk-ang budget nga igahin alang sa ipahigayong tinuig nga kapistahan sa Sinulog 2026, kini ang gibutyag ni Cebu City Mayor Nestor Archival atol sa gipahigayong press conference sa mga sakop sa media sa unang adlaw sa Disyembre, Lunes,
Matud ni Archival nga aduna nay 37-ka mga korpirmadong contingent ang mosalmot usab sa umaabot nga Sinulog Festival, diin 12 niini ang gikan sa out of town, usa ka guest contingent, 17 ka mga contingent usab gikan sa dakbayan sa Sugbo, ug laing 7-ka mga grupo ang mosalmot alang sa Probinsya sa Sugbo.
Sigon sa Mayor nga bisan pa nga miubos ang gigahin nga budget alang sa Sinulog 2026, nga kaniadto mokabat sa 100 Million – 78 Million, mohatag usab gihapon ang dakbayan og subsidiya alang sa mga contingent.
Dugang usab niini nga misaad usab si Cebu Governor Pamela Baricuatro, nga mo-abag kini sa dakbayan alang sa mga mosalmot nga mga contingent, apan wala pa hinuon gibutyag ang balur.
Samtang ang Dakbayan sa Danao, mosalmot usab isip guest performer og gikatahong mo sayaw kauban si Gov. Pamela Baricuatro.
Sa pikas bahin, mibutyag usab ang mayor nga aduna gihapoy ibutang nga “Devotee City” sa Plaza Independencia alang sa mga bout makisaulog sa kapyestahan nga anaa sa mga probinsya.
Plano usab sa kagamhanan nga iusa lang ang pagpahimutang sa mga devotee, aron nga mausa ra ang pagpanghatag sa panginahanglanon og aron usab nga accessible ra ang area.
Gihimug-atan usab sa kagamhanan nga adunay paglaslas sa mga premyo sa kompetisyon, giklaro niini nga dili kini makabalda sa selibrasyon sa Sinulog.
