Mokabat sa 79-ka mga medical doctors ang gidawat sa Provincial government alang sa probinsiya sa Sugbo, ug 12-niini ang gipang deploy sa nagkalain-laing lugar sa probinsiya.
Matud ni Ainjeliz de la Torre-Orong, ang Public Information Officer sa Kapitolyo, nga adunay gipangdeploy nga 12-ka mga doctors, 4-niini sa Daan-Bantayan samntang 2 usab ka doctor sa Sogod; ug tagsa ka doctor ang gipang deploy usab sa Barili, Tuburan, Danao, Argao, Car-car ug Minglanilia.
Gihimug-atan ni Orong, nga grabe ang kakuwang sa mga doctors, nurses ug hilabi na sa mga espesyalista sa probinsiya, kini subay usab sa assessment sa Department of Health ug pagpang inspection niini sa matag tambalanan sa probinsiya.
Dugang usab ni Orong, nga padayun pa gihapon ang application process alang sa mga buot nga mo apply nga mga medical personnel.
Nangayu usab ug pasensya si Orong, gumikan sa posibleng kalangay sa pagpatukod sa mga imprastraktura, gumikan kay dli masayun sayun ang pag-allocate niini, apan gipaningkamutan sa probinsiya nga mahatagan ug hamugaway nga pasilidad ang matag tambalanan. | Bombo Nathaniel Sandoval
