Niigo ang usa ka kusog nga magnitude 8.7 nga linog sa silangang bahin sa Kamchatka Peninsula sa Russia karong adlawa, Hulyo 30, 2025.
Ang US Geological Survey nagkanayon nga ang linog niigo sa gilawmon nga 19 kilometros ug mga 136 kilometros sa silangan nga siyudad sa Petropavlovsk-Kamchatsky.
Samtang, ang mga awtoridad sa Japan, Alaska, Hawaii ug mga bahin sa Pacific Islands nipagawas og tsunami advisories tungod sa kakusog sa linog nga niigo.
Gipaabot sa Japan Meteorological Agency ang tsunami nga moabot sa 1 metros ang gihabogon nga moigo sa pipila ka mga coastal areas sa Japan.
Sa Russia, daghang mga bilding ang naguba, lakip ang usa ka kindergarten diin ang mga tawo luwas nga gibakwit sa wala pa maguba ang mga dingding nga bahin niini.
Walay gikataho nga kaswalti, apan gimonitor sa rehiyon ang mga aftershocks ug posibleng dugang kadaot. Ang Hawaii Emergency Management Agency nag-isyu usab og tsunami watch isip pag-amping batok sa posibleng mga epekto.
Ang linog maoy bahin sa kalihokan sa Kuril-Kamchatka Trench, usa ka nailhang subduction zone sa rehiyon.
Adunay mga foreshocks sa wala pa ang nag-unang linog, lakip ang usa ka magnitude 7.4 nga linog kaniadtong Hulyo 20.
Ang mga residente sa mga apektadong lugar gitambagan nga magpabiling alerto ug mosunod sa opisyal nga mga advisory gikan sa mga awtoridad.
