Makigtigi ang 8 ka mga delegado nga batang boxingero sa umaabot National Batang Pinoy 2025 nga ipahigayon sa umaabot Octobre 25-31 sa General Santos City.
Langkoban kini sa 7 ka lalaki ug 1 ka babaye nga gipangulohan ni Ivan Espina, ang kanhi Palarong Pambansa 2024 Gold Medalists ug Silver Medalist CVRAA nga si Cyrus Dela Cerna, Ken Zamora, Dominique Damanas, ug ang nag-inusarang babaye nga si Nina Marie Barte, ug laing tulo ka mga player nga sila si Juaquin Discartel, Ralph Gonzales ug si John Mark Entor.
Matud sa coach sa mga delegado nga si Ryan Illustrisimo, taliwala sa mga katalagman mga nasinati sa iyang team nagpabilin pa gihapon nga malaumon ang team nga makakakumbati tali sa mga nagkadaiyang kontra sa umaabot nga kompetisyon.
Gikatakda usab nga mogikan ang tanang mga delegado sa dakbayan sa Sugbo unyang alas 4 sa hapon nga manukad sa Cebu City Sports Center ug mosakay sa Pier 1 padulong na sa General Santos City.
Sa pikas bahin, gibutyag niini nga full support ra usab ang lokal nga kagamhanan sa dakbayan sa Sugbo, alang sa mga nagkadaiyang batang magduduwa.
Gipahigayun usab kagahapon ang Send of Ceremony nga gipangulohan ni Cebu City Mayor Nestor Archival.
