CEBU – Kanselado na ang anaa sa 80 porsyento ka mga flights gikan sa mainland China sa Mactan International Airport.
Gibutyag ni Ed Mendez, ang tourism officer sa Lapu-Lapu City, nga kalabot sa gihapon ang maong lakang batok sa 2019 novel coronavirus.
Matud ni Mendez nga kanselado na usab ang pagsulod sa mga Chinese carrier sa MCIA.
Gawas sa mga nahisgutang kanselasyon, gisiguro usab niini nga activated na ang tanang nila nga mga action plan ilabi na sa mga hotel and resort sa dakbayan sa Lapu-Lapu ug gikatakda usab nga isumitir sa pamunuan sa nahisgutang mga establisimento ang ilahang incident report.
Giangkon sa tourism officer nga ‘very critical’ karun ang lungsod sa Lapu-Lapu tungod kay anaa sa ilaha ang airport ug didto nagsulod-gawas ang mga Chinese nationals.
Gisiguro usab ni Mendez nga ‘very proactive’ ang dakbayan sa Lapu-Lapu sa ilahang mga gipahigayon nga lakang batok sa CoV.
