Gidayeg ang 9-anyos nga si Leigh Axel Avilla sa netizens tungod sa iyang utok nga susama og calculator.
Gumikan dili nimo kinahanglan nga mogamit og calculator aron makit-an ang kantidad sa X ug Y tungod kay si Avilla makatubag niana.
Matod sa uploader nga si Marilyn Lanohan II, nagbakasyon sila sa Bantayan Island dihang giduol sila ni Leigh ug giingnan nga andam siyang motubag sa square root sa bisan unsang numero nga ilang ihatag bugti sa milk tea.
Dugang sa nag-upload, nag-ihap na lang sa tudlo ang bata ug nakuha na ang tubag.
Sumala sa Guinness World Records, si Granth Rakkesh Thakkar sa India mao’y nagkupot sa rekord sa pinakapaspas sa pagkalkulo sa square root sa unom ka digit nga numero ug nakuha ni Thakkar ang rekord kaniadtong Setyembre 2, 2013.
